Д-р Џастин Берет, постар истражувач во Центарот за антропологија и ум на Универзитетот во Оксфорд, тврди дека малите деца имаат предиспозиција сами да веруваат во врховно битие, бидејќи претпоставуваат дека сè во светот е создадено со цел.
Тој вели дека малите деца имаат вера дури и кога не биле поучени за тоа по пат на семејство или во училиште, и тврди дека дури и оние што се подигнале на пуст остров ќе поверуваат во Бог.
“Превладувањето на научните докази во изминатите 10 години покажаа дека многу повеќе се чини дека е вградено во природниот развој на детските умови отколку што некогаш сме мислеле, вклучувајќи ја и предиспозицијата за да го видиме природниот свет како дизајниран и наменски и дека некој вид на интелигентно суштество се наоѓа позади таа цел “, изјави тој за BBC Radio.
“Ако оставиме деца на еден остров и тие се подигнат сами, мислам дека ќе поверуваат во Бог”.
Во предавањето што се одржа на Универзитетот во Кембриџ, Институтот Фарадеј, д-р Барет ги цитираше психолошките експерименти што се прават на децата за кои тој вели дека покажуваат дека тие инстинктивно веруваат дека речиси сè е дизајнирано со одредена цел.
Во една студија, шест и седумгодишни деца, кои беа прашани зошто птицата постои, одговориле “бидејќи тоа го прави светот да изгледа убаво”.
Друг експеримент врз 12-месечни бебиња сугерира дека тие биле изненадени од филмот во кој тркалачка топка очигледно создала уреден куп блокови од растурено купиште.
Д-р Барет вели дека постојат докази дека дури и до четиригодишна возраст, децата разбираат дека иако некои предмети се направени од луѓе, природниот свет е различен.
Тој додаде дека ова значи дека децата почесто веруваат во креационизмот, а не во еволуцијата, и покрај тоа што може да им кажат родителите или наставниците.
Д-р Барет тврди дека антрополозите откриле дека во некои култури децата веруваат во Бога дури и кога религиозните учења се задржуваат подалеку од нив.
“Децата, нормално и природно развиваат умови кои ги прават склони да веруваат во божествената креација и интелигентниот дизајн. Спротивно на тоа, еволуцијата е неприродна за човечките умови, релативно е тешко да се верува и прифати толку сложено објаснување.
Comments