Аллах џ.ш. за своето постоење дал многу докази во созданијата кои Тој ги создал и во околината која што не опкружува. Ако размислуваме за созданијата кои што секојдневно доаѓаат на овој свет, – како што се човекот,разните видови на животни и растенија..,па ако размислуваме за сите појави како што се : ветровите, дождот, ноќта,денот ..,и кога непрекидно и прецизно би го посматрале движењето на звездите, промената на Месечината и Сонцето, – нашиот разум би дошол до цврст заклучок дека сето тоа не е создадено без создател, туку дека сите тие созданиа се создадени од Возвишениот,Семоќниот,Вечниот Аллах џ.ш.
Аллах џ.ш. рекол: “Зарем тие без Создател се создадени,или тие самите себе се создале?! Зарем тие небесата и Земјата ја создадоа?! Не,туку тие не сакаат да веруваат!” (Ет – Тур: 35,36 )
Доколку човекот размислува за созданијата,тогаш таквото размислување ќ е го упати со сигурност кон величината и моќта на Создателот како и на нужноста на Неговото постоење. Напр. ако човекот го посматра еден предмет кој што е убав и прецизно направен,тогаш тоа посматрање го упатува на тоа дека:
а. некој го направил тој предмет, и
б. убавината на тој предмет укажува на способноста на оној кој го направил.
Аллах џ.ш. рекол:
„На небесата и на Земјата,навистина, има знаменија за верниците! И во создавањето ваше и во животните што Тој ги растури има знаменија за луѓето кои цврсто се уверени. И во измената на ноќта и денот и во дождот што Аллах го спушта од небото и со него ја оживува земјата по мртвилото нејзино,и во управувањето на ветровите…во тоа има знаменија за луѓето кои сфаќаат.“ ( Ел – Џасие : 3-5 )
Comments