Тевхидул – улухијје значи упатување на сите видови ибадет само на Аллах џ.ш.
Шејхул ислам Ибну Тејмије во врска со тевхидул – улухијје вели :
” Според овој вид на тевхид се разликуваат монотеистите од мушриците , оние кои вистински го обожуваат Аллах од оние кои истовремено покрај Аллах обожуваат и други. Поради овој тевхид ќе биде наградата или казната на овој и на идниот свет, а кој што овој тевхид нема да го прифати, тој ќе остане меѓу мушриците. “ (Medzmuatur resail )
Поради овој вид на тевхид се објавени книгите и испраќани пратениците. Аллах џ.ш. во Кур,анот вели :
” Ние на секој народ му испративме пратеник ( со пораката ) : ‘ На Аллах чините Му ибадет, а оттргнете се од тагутот ! ‘ И беа меѓу нив такви на кои Аллах на правиот пат им укажа, а и такви кои што заслужија да останат во заблудата …” ( Ен – Нахл : 36 )
Не постои ниту еден пратеник кој што им бил испратен на луѓето а да тевхидул – улухијје не бил темел и суштина на неговиот повик.
Аллах џ.ш. рекол:
” Пред тебе ( Мухаммеде ) не испративме ниту еден пратеник, а да не му објавивме :’ Нема бог освен Мене, затоа Мене правете ми ибадет!”(Ел- Енбија :25 )
ТЕВХИДУЛ ЕСМАИ ВЕС – СИФАТ
Тевхидул есмаи вес – сифат накратко значи: цврсто убедување дека на Аллах џ.ш. му припаѓаат сите имиња и својства на совршеност, дека Тој е далеку од сите атрибути на непотполност и дека Тој со своите својства се одликува над сите створениа; својства кои нам ни се познати од Неговите зборови и зборовите на Неговиот пејгамбер , без никаква нивна промена, без обид од нивно потполно сфаќање и објаснување на нивната суштина или споредба со својствата на створенијата.
Аллах џ.ш. вели:
” И никој не Му е рамен .” ( Али Имран: 142 )
Никој не е во состојба поубаво и попотполно да го опише на Аллах џ.ш. од самиот Тој како што себеси се опишал, како што не е можно некој да ја намали вредноста на некое од својствата со кои Возвишениот Аллах себе си се опишал. Значи ние на Аллах не можеме да го спознаеме со својот разум и онака како што сакаме, освен со помош на знаењето со кое Тој не обдарил во Кур,анот и хадисот. Од Аллах џ.ш. ни дошло објаснување и знаење па ние го спознавме со тоа знаење. Неговите својства не се како својствата на створенијата, Неговата мудрост не е како мудроста на створенијата, Неговата милост не е како милоста на створенијата.
Аллах џ.ш. рекол :
” Ништо не е како Тој ! Тој се чуе и се гледа .” (Еш – Шура: 11 )
Имам Куртуби, коментирајќи го наведениот ајет вели:
” Овде се говори дека на Аллах џ.ш. во Неговата возвишеност, величенственост, власт, убави имиња и возвишени својства не сличи никој од Неговите створенија, нити било кој од нив со Него може да се споредува. Исто така и Аллаховите својства кои што се спомнати во Кур,анот и Суннетот, а тие се заеднички по изговорот во однос на Аллах џ.ш. и другите створенија, воопшто не сличат во своето стварно значење. Бидејќи, својствата на Оној кој е од секогаш, не се како својствата на оние кои се створени…”
Comentários